THIRRJE E HAPUR PËR MENTORË:
Fuqizojmë Gazetarët për të Ndërtuar Media që Respektojnë Diversitetin dhe Barazinë
Jeni një profesionist/e me përvojë në gazetari, komunikim, çështje gjinore apo çështje të drejtësisë sociale? Jeni të apasionuar për ndarjen e dijes dhe fuqizimin e brezit të ri të gazetarëve?
Atëherë, ky është momenti juaj për të jetësuar ndryshimin!
Albanian Woman in Audiovisual po kërkojmë mentorë të përkushtuar për të mbështetur gazetarët në rrugëtimin e tyre profesional me synim zhvillimin e shkathtësive si dhe krijimin e artikujve që adresojnë temat më sfiduese dhe të nëntrajtuara në media, përfshirë:
- Gjuhën e urrejtjes dhe diskursin diskriminues në hapësirën mediatike;
- Seksizmin në media dhe gjuhën e urrejtjes ndaj grave;
- Mungesën e përfaqësimit të drejtë të diversitetit – etnik, gjinor, fetar, kulturor;
- Raportimin për grupet e margjinalizuara në mënyrë të ndjeshme, gjithëpërfshirëse dhe profesionale;
- Nxitjen e tregimeve me shumë perspektiva, që shkojnë përtej narrativave të njëanshme dhe që kundërshtojnë gjuhën përçarëse me fakte, etikë dhe empati.
🎯 Çfarë do të bëni si mentor?
- Do bashkëudhëtoni me gazetarët e rinj në procesin e raportimit dhe shkrimit të artikujve;
- Do t’i mbështesni ato/ata në gjetjen e këndvështrimeve të balancuara dhe shpalosjen e etikës profesionale në trajtimin e temave delikate;
- Do të ofroni feedback të rregullt dhe këshilla praktike për përmirësim;
- Do t’i ndihmoni profesionistët me pak përvojë në kultivimin e një gazetarie që i jep hapësirë zërit të të gjithëve – jo vetëm si zanat për të përshkruar realitetin, por për të bashkëbiseduar me Njeriun, Faktet, Rrethanat, Etikën, Arsyet, etj.
✅ Kualifikimet që kërkojmë:
- Eksperiencë në gazetari, komunikim, apo fushat e të drejtave të njeriut;
- Aftësi për të mentoruar dhe bashkëpunuar me gazetarët në zhvillim karrierë;
- Njohuri mbi çështjet e përfaqësimit, diskriminimit dhe gjuhës së urrejtjes në media;
- Vlerësim për etikën, barazinë dhe mendimin kritik në komunikim.
📩 Si të aplikoni:
Dërgoni një CV dhe një letër motivimi ku përshkruani përvojën tuaj dhe vizionin për një media sa më gjithëpërfshirëse në adresën:📧 awa.albania@gmail.com
🗓️ Afati i fundit për aplikim: 28 Prill 2025